ՌԴ ՊՆ-ն հայտնել է Օդեսայի շրջանի նավթավերամշակման գործարանի ուղղությամբ հասցված ավիահարվածի մասին

Ռուս զինվորականները հայտնել են նավերից եւ ինքնաթիռներից Օդեսայի շրջանում գտնվող նավթավերամշակման գործարանի եւ վառելիքի ու քսանյութերի պահեստների ուղղությամբ հրթիռային հարվածներ հասցնելու մասին, փոխանցում է  Интерфакс-АВН-ը:

«Այսօր առավոտյան ծովային եւ օդային տեղակայման գերճշգրիտ հրթիռներով ոչնչացվել է Օդեսայի շրջանում գտնվող նավթավերամշակման գործարանը եւ քսանյութերի 3 պահեստ, որտեղից վառելիքի մատակարարումներ են իրականացվել Նիկոլաեւի ուղղությամբ տեղակայված ուկրաինական զորամիավորումների համար»,- կիրակի հայտարարել է ՌԴ ՊՆ պաշտոնական ներկայացուցիչ Իգոր Կոնաշենկովը:

«ՌԴ Զինված ուժերը շարունակում է հատուկ ռազմական արշավի իրականացումն Ուկրաինայում»,- հայտարարել է նա:

Օդեսան Ուկրաինայի՝ բնակչության թվով երրորդ քաղաքն է (ավելի քան 1 մլն մարդ): Քաղաքը  գտնվում է Օդեսայի ծոցի ափերին (Սև ծովի հյուսիսարեւմտյան ափերին): Խոշոր ծովային առեւտրային նավահանգիստ է:

Մարտի 25-ին ՌԴ Գլխավոր շտաբի գլխավոր օպերատիվ վարչության պետ Սերգեյ Ռուդսկոյը տեղեկացրել էր, որ Ուկրաինայում ընթացող գործողությունների ժամանակ ռուս զինվորականները գերճշգրիտ զենք են կիրառում, այդ թվում՝ Х-101 ավիացիոն թեւավոր հրթիռներ, «Կալիբր» ծովային թեւավոր հրթիռներ, «Իսկանդեր-Մ» ցամաքային օպերատիվ-մարտավարական հրթիռային համալիրներ: