Արցախն Ադրբեջան չէ և երբեք չի լինելու․ խաղաղ հավաք Ստեփանակերտում՝ հանուն Արցախի ժողովրդի իրավունքների

Ստեփանակերտում արցախցի կանայք իրենց երեխաների հետ խաղաղ հավաք են անցկացրել՝ հանուն Արցախի ժողովրդի իրավունքների։ Հավաքի նպատակն է արցախցու ձայնը միջազգային հանրության համար լսելի դարձնելը։

«Եթե այսօր լռեք, վաղը պատմության էջերում նոր արյունալի էջեր են լինելու։ 44-օրյա պատերազմում կորցրել եմ ամեն ինչ, անգամ՝ հորս գերեզմանին ներկայանալու պատիվը։ Այսօր Արցախում եմ և ապրելու եմ այստեղ մինչև կյանքիս վերջը, քանի որ Արցախն իմ տունն է, մենք պետք է պայքարենք մինչև վերջ։ ՄԱԿ-ի անդամներն այսօր այցելել են օկուպացված Շուշի, բայց չեն այցելել Ստեփնակերտ, որպեսզի տեսնեն, թե ինչ անմարդկային պայմաններում ենք ապրում և ստեղծագործում»,- ասաց հավաքի մասնակիցներից մեկը։