ԱՀԿ-ն Ուկրաինային խորհուրդ է տվել լաբորատորիաներում ոչնչացնել բոլոր վտանգավոր ախտածինները

Առողջապահության համաշխարհային կազմակերպությունը (ԱՀԿ) Ուկրաինային խորհուրդ է տվել ոչնչացնել երկրի առողջապահական լաբորատորիաներում պահվող հատկապես վտանգավոր պաթոգենները. հայտնում է РБК-Украина-ն։

Այս քայլը պետք է ձեռնարկվի՝ կանխելու հնարավոր արտահոսքերը, որոնք կարող են հանգեցնել բնակչության շրջանում հիվանդությունների տարածմանը. նշել է ԱՀԿ-ն։

Կենսաանվտանգության փորձագետները զգուշացնում են, որ ռուսական զորքերի մուտքն Ուկրաինա և քաղաքների գնդակոծումը մեծացրել է պաթոգենների արտահոսքի վտանգը, եթե այդ օբյեկտներից որևէ մեկը վնասվի:

ԱՀԿ-ն կոնկրետ տեղեկատվություն չի տրամադրել ուկրաինական լաբորատորիաներում պահվող պաթոգենների կամ թույների տեսակների մասին։