Կառավարության նախաձեռնությամբ մարտի 9-ին Ազգային ժողովի արտահերթ նիստ է գումարվում

Կառավարության նախաձեռնությամբ 2022 թվականի մարտի 9-ին` ժամը 11:00-ին Ազգային ժողովի արտահերթ նիստ է գումարվելու` նախաձեռնողի սահմանած հետևյալ օրակարգով:

1) «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» օրենքում լրացում կատարելու մասին» Հայաստանի Հանրապետության օրենքի նախագիծ

2) «Հայաստանի Հանրապետության ու Արժույթի միջազգային հիմնադրամի միջև 2022 թվականի հունվարի 11-ին և հունվարի 18-ին ստորագրված «Պահուստային ծրագրի միջոցների օգտագործման մասին» նամակ-համաձայնագիրը վավերացնելու մասին» Հայաստանի Հանրապետության օրենքի նախագիծ

Հայաստանի Հանրապետության Ազգային ժողովի արտահերթ նիստի նախաձեռնողի ներկայացուցիչ է նշանակվել Հայաստանի Հանրապետության առողջապահության նախարարի առաջին տեղակալ Լենա Նանուշյանը:

Ազգային ժողովը որոշել է նիստի օրակարգային հարցերի երկու ընթերցում նախատեսող օրենսդրական նախաձեռնության երկրորդ ընթերցմամբ քննարկումը կազմակերպել առաջին ընթերցմամբ դրա ընդունումից հետո՝ 24 ժամվա ընթացքում: Նախագծերի վերաբերյալ գրավոր առաջարկները և գլխադասային հանձ