Հունգարիան թույլ է տվել ՆԱՏՕ-ին՝ զորք տեղակայել երկրում և արգելել իր տարածքով զենք տրամադրել Ուկրաինային

Հունգարիայի վարչապետ Վիկտոր Օրբանը հրամանագիր է ստորագրել, որը թույլ է տալիս ՆԱՏՕ-ի զորքերը տեղակայել երկրի արևմուտքում. հայտնում է Reuters-ը։

Գործակալության տվյալներով՝ Հունգարիան թույլ է տվել ՆԱՏՕ-ի զորքեր տեղակայել երկրի արեւմուտքում, ինչպես նաեւ իր տարածքով զենք մատակարարել ՆԱՏՕ-ի անդամ մյուս երկրներին։

Միևնույն ժամանակ, Օրբանը հայտարարել է երկրից Ուկրաինա զենքի տեղափոխումն արգելող հրամանագրի մասին։ Այս մասին նա հայտնել է Facebook-ում։

«Սա նախազգուշական ազդանշան է, որ ռազմական գործողությունները գնալով մոտենում են Հունգարիայի տարածքին»,- Օրբանի խոսքերն է մեջբերում РБК-Украина-ն։

«Մենք փորձում ենք դադարեցնել պատերազմը և սկսել բանակցություններ, որոնք կապահովեն խաղաղություն»,- հավելել է վարչապետը։