Ադրբեջանը դատապարտել է Ռուսաստանին` Երևանն ու Նախիջևանը Արևելյան Հայաստան անվանելու համար

Ադրբեջանի արտաքին գործերի նախարարությունը հոգեվարքի մեջ է ընկել ՌԴ ԱԳՆ պաշտոնական էջում Թուրքմենչայի համաձայնագրի տեքստի հրապարակման կապակցությամբ։

Հիշեցնենք, որ վերոնշյալ ռուս-պարսկական պայմանագիրը կնքվել էր 1828 թ. փետրվարի 10-ին (22):

«Զարմանալի և ցավալի է, որ Ռուսաստանի Դաշնության արտաքին գործերի նախարարության սոցիալական ցանցի պաշտոնական էջը խեղաթյուրված տեղեկատվություն է հրապարակել 1828 թվականի Թուրքմենչայի պայմանագրի մասին հենց նույն այն օրը, երբ ընդունվել է Ադրբեջանի և Ռուսաստանի միջև դաշնակցային համագործակցության մասին հռչակագիրը»,- ասվում է Ադրբեջանի ԱԳՆ հաղորդագրության մեջ:

Ադրբեջանական ԱԳՆ-ն նշում է, որ իբր վերոնշյալ համաձայնագրի տեքստում Արևելյան Հայաստան արտահայտությունը որևէ կերպ նշված չէ։

«Իհարկե, այս փաստը քաջ հայտնի է ՌԴ ԱԳՆ-ի պատմական փաստաթղթերի վարչությանը։ Մենք անհրաժեշտ ենք համարում վերացնել խեղաթյուրումը և ակնկալում ենք ՌԴ ԱԳՆ սոցցանցի պաշտոնական էջում նշված կեղծ տեղեկատվության համապատասխան շտկում»,- ասվում է Ադրբեջանի ԱԳՆ հաղորդագրության մեջ։