Էրդողանին «գող» անվանելու համար հերթական լրագրողն է ազատազրկման ենթարկվել

Թուրքիայի նախագահ Ռեջեփ Թայիփ Էրդողանին վիրավորելու մեղադրանքով հերթական լրագրողն է կանգնել դատարանի առջև:

BirGün-ի թղթակից Բարըշ Ինջեն դատապարտվել է 21 ամսվա ազատազրկման: Նրա դեմ առաջադրված մեղադրանքի համար հիմք էր ծառայել ինքնապաշտպանական ելույթը, որը նա գրել է իր հոդվածներից մեկի վերաբերյալ հարուցված քրեական գործի շրջանակներում: Լրագրողն այդ ելույթում գրել էր՝ «Գող Թայիփ»:

21 ամսվա ազատազրկման ենթարկվելու որոշումից հետո Ինջեն Twitter-ում հետևյալ գրառումն է կատարել. «Մենք դարձյալ դուրս կգանք, կխոսենք, կծիծաղենք, բայց մեր երեխաները հետագայում նրանց անունները միշտ կհիշեն` որպես գողերի, ֆաշիստների»: