ԵԱՏՄ երկրները կզարգացնեն Ինդոնեզիայի հետ ազատ առևտուրը. Միշուստին

 Եվրասիական տնտեսական միության (ԵԱՏՄ) և Ինդոնեզիայի միջև ազատ առևտրի մասին համաձայնագիրը բիզնեսին թույլ կտա ավելացնել արտահանումն ու ներմուծումն ավելի շահավետ պայմաններով, իսկ սպառողներին հնարավորություն կտա որակյալ ապրանքներ ձեռք բերել մրցակցային գներով: Այս մասին կառավարության նիստում հայտարարել է ՌԴ վարչապետ Միխայիլ Միշուստինը:

Ռուսաստանի կառավարությունն այսօր կայացած նիստում վավերացրել է ԵԱՏՄ-ի և Ինդոնեզիայի միջև ազատ առևտրի մասին համաձայնագիրը:

Միշուստինը հստակեցրել է, որ փաստաթուղթն առևտրի արտոնյալ ռեժիմ է սահմանում ապրանքների ճնշող մեծամասնության նկատմամբ, ընդգրկում է Ինդոնեզիայի և Ռուսաստանի միջև երկկողմ շրջանառության ավելի քան 98 տոկոսը։ ՌԴ կառավարության ղեկավարը հիշեցրել է, որ գործընթացի դինամիկան մանրամասն քննարկել են երկու երկրների նախագահները Մոսկվայում վերջերս կայացած հանդիպման ժամանակ:

«Ակնկալում ենք, որ ազատ առևտրի ռեժիմը կխթանի համագործակցության ամրապնդումը փոխադարձ հետաքրքրություն ներկայացնող բազմաթիվ ոլորտներում, ինչպես, օրինակ, մշակող արդյունաբերության, գյուղատնտեսության, էներգետիկայի, իհարկե՝ թվային տնտեսության, տեղեկատվական-հաղորդակցական տեխնոլոգիաների, հետազոտությունների, մշակումների և այլն», - թվարկել է նա։a