Ոստիկանները նստած կռահում են, թե որ հրապարակումից է վիրավորվում Փաշինյանի արժանապատվությունը. փաստաբան

Քաղաքագետ Ռուբեն Հակոբյանը մեղադրվում է Քրեական օրենսգրքի 137.1 հոդվածի երկրորդ մասի երկրորդ կետով (Անձին հայհոյելը կամ արժանապատվությունը այլ ծանր կերպով վիրավորելը): Այս մասին փետրվարի 14-ին ՔԿ-ից դուրս գալուց հետո լրագրողների հետ զրույցում ասաց նրա պաշտպան Վարազդատ Հարությունյանը: Փաստաբանի խոսքով, իշխանությունները այս հոդվածը դարձրել են գործիք քրեական հետապնդում իրականացնող մարմինների միջոցով քաղաքական ընդդիմախոսներին լռեցնելու համար.

«Տպավորություն է, որ ոստիկանությունում նոր բաժին է ստեղծվել, որտեղ վերլուծում են այս կամ այն ընդդիմախոսի ելույթը և փորձում են հասկանալ՝ դրանից Նիկոլ Փաշինյանը վիրավորվել է, թե չի վիրավորվել: