Թուրքիայի և Մեծ Բրիտանիայի միջև տեղի է ունեցել ռազմավարական երկխոսության առաջին հանդիպումը

Թուրքիան և Մեծ Բրիտանիան առաջին «ռազմավարական երկխոսության» հանդիպումն են անցկացրել Անկարայում՝ որպես երկկողմ հարաբերությունների խորացման ընդհանուր քաղաքականության մի մաս Բրիտանիայի՝ Եվրամիությունից դուրս գալուց հետո։

Առաջին ռազմավարական երկխոսությունը տեղի է ունեցել Թուրքիայի փոխարտգործնախարար Ֆարուք Քայմաքջըի և Մեծ Բրիտանիայի արտաքին գործերի փոխնախարարի մշտական ներկայացուցիչ սըր Ֆիլիպ Բարթոնի ղեկավարությամբ. ըստ Hurriyet-ի՝ ասվում է Թուրքիայի ԱԳՆ գրավոր հայտարարության մեջ։ Բարթոնը հանդիպել է նաև փոխարտգործնախարար Սեդատ Օնալի հետ։ Նշվում է, որ նրանք քննարկել են երկկողմ հարաբերությունները, մտքեր են փոխանակել Թուրքիայի և ԵՄ հարաբերությունների և տարածաշրջանային խնդիրների շուրջ։

Անկարայում Մեծ Բրիտանիայի դեսպանատան հայտարարության մեջ ընդգծվում է, որ հանդիպման ընթացքում քննարկվել են երկկողմ հարաբերությունների բոլոր ուղղությունները և համագործակցության ամրապնդման ուղիները, այդ թվում՝ տարածաշրջանային կարևոր հարցերի լայն շրջանակ։

Հրատարակությունը նշում է, որ Թուրքիան և Մեծ Բրիտանիան արդեն պայմանավորվել են էլ ավելի ամրապնդելերկկողմ հարաբերությունները գրեթե բոլոր ոլորտներում, այդ թվում՝ առևտրի և տնտեսության ոլորտներում։ Սպասվում է, որ առաջիկա ժամանակահատվածում կսկսվեն համապարփակ ազատ առեւտրի համաձայնագրի շուրջ բանակցությունները։