Ռուս խաղաղապահներն ավելի քան 100 երեխայի համար հումանիտար ակցիա են իրականացրել ԼՂ Մարտունու շրջանի դպրոցում. ՌԴ ՊՆ

Ռուսական խաղաղապահ զորակազմի հումանիտար արձագանքման կենտրոնի մասնագետներն հումանիտար ակցիա են կազմակերպել և իրականացրել Լեռնային Ղարաբաղի հեռավոր շրջանում: Այս մասին ասվում է ՌԴ ՊՆ տեղեկագրում:

«Այսօր հումանիտար ակցիա է իրականացվել Մարտունու շրջանի Մաճկալաշեն համայնքում: Դպրոցը դպրոցական հավաքածուներ է ստացել: Վաղը ծրագրվում է հումանիտար ակցիայի անցկացում Ստեփանակերտ քաղաքի մանկապարտեզում»,- հայտնել է խաղաղապահ զորակազմի ներկայացուցիչ Ալեքսանդր Կուդրինը:

Ռուս խաղաղապահները գյուղական դպրոցում ավելի քան 100 երեխայի գրենական պիտույքների հավաքածուներ են փոխանցել:  

Տարեսկզբից ռուս զինծառայողներն ավելի քան 10 հումանիտար ակցիա են իրականացրել Լեռնային Ղարաբաղի կարիքավոր բնակիչների համար:

Հիշեցնենք, որ 2020 թվականի նոյեմբերի 9-ին Ռուսաստանի, Հայաստանի և Ադրբեջանի ղեկավարները Լեռնային Ղարաբաղում ռուս խաղաղապահների տեղակայման շուրջ պայմանավորվածություն են ձեռք բերել, ստորագրվել է հայտարարություն, որով Ադրբեջանին են անցնում Արցախի յոթ շրջանները, Շուշին ու Հադրութը` բացառությամբ մի գյուղի, գյուղեր Ասկերանի ու Մարտունու շրջանից, ինչպես նաև Մարտակերտի շրջանի Թալիշ և Մատաղիս գյուղերը։