Լիլիթ Գալստյանը Սիսակ Գաբրիելյանին կոչ արեց մի քիչ «ջենթլմեն լինել»

Ազգային ժողովի «Հայաստան» խմբակցության պատգամավոր Լիլիթ Գալստյանն այսօր հայտարարեց, թե ՔՊ-ական պատգամավոր Սիսակ Գաբրիելյանը մոլորեցնում է հանրությանը:

«Նույն Սիսակ Գաբրիելյանը ո՛չ բարոյական, ո՛չ քաղաքական, ո՛չ էլ իրավական հենք չունի՝ որոշելու, թե ես՝ որպես պատգամավոր, իմ ռեսուրսներն ինչպես եմ օգտագործում»,- ասաց պատգամավորը:

Լիլիթ Գալստյանն էլ Սիսակ Գաբրիելյանին կոչ արեց «ջենթլմեն լինել»:

«Երբ երկուշաբթի օրը արտահերթ նիստ գումարեցինք, ես ասացի՝ դաս ունեմ, գնում եմ դասի, կարելի էր մի քիչ մարդկայնորեն, ջենթլմենական հարաբերությամբ մանրախնդրությունը չբերել այս ամբիոն»,- նշեց ընդդիմադիր պատգամավորը: