Փաշինյանը պետք է պատասխան տա հայ ժողովրդին այսպիսի նվաստացած վիճակի հասցնելու համար․ Աբրահամյան

Արձանագրենք, որ Իլհամ Ալիևի հայտարարությունների մի մասը, որում նա փորձում է իր հաղթանակը տոնել, ուղղված է ոչ թե Փաշինյանին, այլ ՀՀ երկրորդ և երրորդ նախագահներին, որոնց նա իրական հակառակորդ է համարում։ Այս մասին մամուլի ասուլիսում ասաց «Պատիվ ունեմ» խմբակցության պատգամավոր Տիգրան Աբրահամյանը։

«Փաշինյանը վաղուց ծնկի է եկել և զիջել այն, որի մասին Ադրբեջանն անգամ չէր երազում։ Ադրբեջանի նախագահը ոչ միայն Փաշինյանի հետ է այդ տոնով խոսում, այլև  մարդու, որը ներկայացնում  է հայ ժողովուրդը։ Եվ Փաշինյանը պետք է պատասխան տա հայ ժողովրդին այսպիսի նվաստացած վիճակի հասցնելու և Արդբեջանի ղեկավարներին այսպիսի տոնով մեզ հետ խոսելու հնարավորություն ստեղծելու համար»,- ասաց պատգամավորը։