ՆԱՏՕ-ն Ուկրաինային չի ընդունի իր շարքերը. The New York Times

ՆԱՏՕ-ն տեսանելի ապագայում թույլ չի տա Ուկրաինային՝ անդամակցել դաշինքին, քանի որ ԱՄՆ նախագահ Ջո Բայդենը և եվրոպացի առաջնորդները «պատրաստ չեն նման քայլի»։ Այս մասին գրում է ամերիկյան The New York Times թերթը։

Հոդվածի հեղինակների կարծիքով՝ Վաշինգտոնը «կարճաժամկետ ծրագրեր չունի՝ օգնելու նախկին խորհրդային հանրապետությանը դաշինք մտնել»։

Նշվում է, որ Գերմանիան և Ֆրանսիան դեմ են արտահայտվել դաշինքին Կիևի անդամակցությանը, ինչից հետո դաշինքի մյուս եվրոպացի անդամները սպասողական դիրքորոշում են ցուցաբերել, քանի որ խոչընդոտ է նոր անդամի ընդունման շուրջ կոնսենսուսի անհրաժեշտությունը։

Հոդվածում ասվում է, որ նախագահ Բայդենը «ավելի թերահավատ է դարձել ԱՄՆ ռազմական պարտավորությունների ընդլայնման հարցում» և ցանկանում է նախ «տեսնել Ուկրաինայում քաղաքական և իրավական համակարգերի բարելավումներ»:

Ի թիվս այլ հնարավոր պատճառների, փորձագետները մատնանշում են նաև ՆԱՏՕ-ի՝ Ռուսաստանի հետ հարաբերությունները վատթարացնելու անցանկալիությունը։