Սիրիական բանակի խմբավորումները վարժանքներ են անցկացրել ռուս զինվորականների գլխավորությամբ

Սիրիայի հարավ-արևմուտքում գտնվող Էս Սուվեյդա քաղաքի մերձակայքում, ռուս զինվորականների ղեկավարությամբ, Սիրիայի արաբական բանակն իրականացրել է համապարփակ մարտավարական զորավարժություն։ Սիրիայում ռուսական ուժերի խմբավորման ներկայացուցիչ Ալեքսեյ Զախարովը լրագրողներին ասել է, որ սիրիական բանակի գործողությունները լավ գնահատական են ստացել։

«Այսօր մենք կիրառեցինք մարտավարական խմբի ստորաբաժանումները, սիրիական ուժերի խառը մարտավարական խումբը և խառը հրետանային խումբը, որը բաղկացած է բազմաթիվ հրթիռային համակարգերից, ականանետային մարտկոցից, ինչպես նաև տանկային ստորաբաժանումներից։ Մշակվեց սցենար, որը հնարավորինս մոտ էր մարտական պայմաններին, այսինքն՝ ավազակային խումբը գրավել է բնակավայր, որը մենք հաջողությամբ ապաշրջափակել ենք։ Մեր սիրիացի ընկերների գործողությունները գնահատվել են լավ և գերազանց»,- ասել է Զախարովը։