Կառավարության գործելաոճն է՝ սիրով դիմում է պատժիչ գործողությունների, բայց խրախուսումը մերժում է․ պատգամավոր

Կառավարությունն այս փուլում հարմար չի գտել խրախուսել կենսաթոշակառուներին կամավոր պատվաստվելու համար․ Ազգային ժողովի հերթական նիստում ասաց ֆինանսների նախարար Տիգրան Խաչատրյանը՝ պատասխանելով «Հայաստան» խմբակցության պատգամավոր Արեգնազ Մանուկյանի հետևյալ հարցին․ «Ինչպես ամբողջ աշխարհում, այնպես էլ Հայաստանում կորոնավարակի հիմնական թիրախային խավը կենսաթոշակառուներն են, և ես առաջարկել էի, որպեսզի մեր կենսաթոշակառուներին, որպես խրախուսական միջոց, կամավոր պատվաստվելու համար միանվագ 10 հազար դրամ վճարվեր, սակայն կառավարությունը մերժել է առաջարկս՝ նշելով, որ այս փուլում չեն համարում, որ դրամական փոխհատուցման եղանակն այն ուղին է, որը կարող է արդյունավետ լինել նշված խմբի մեր համաքաղաքացիների առողջությունը պաշտպանելու նպատակով»։

Ավելին՝ տեսանյութում։