Ուկրաինայում ԱՄՆ դեսպանատունը զգուշացնում է սահմանին ռուսական ռազմական գործողությունների մասին

Ուկրաինայում ԱՄՆ դեսպանատունը նախազգուշացրել է ամերիկացի քաղաքացիներին սահմանին և Ղրիմում ռուսական ռազմական գործողությունների մասին։ Այս մասին հաղորդվում է դիվանագիտական ներկայացուցչության կայքում։

Ռուսաստանցի զինվորականների գործողությունների հետ կապված՝ դեսպանատունը ամերիկացիներին հորդորել է չայցելել Ղրիմ և «Դոնեցկի ու Լուգանսկի շրջանների արևելյան հատվածներ»՝ զինված հակամարտության պատճառով։ «Մենք հիշեցնում ենք ԱՄՆ քաղաքացիներին, որ սահմանային անվտանգության պայմանները կարող են փոփոխվել առանց ծանուցման»,- ասվում է հայտարարության մեջ:

Հիշեցնենք, որ ավելի վաղ հայտնի էր դարձել ամերիկացի ռազմական հրահանգիչների` Ուկրաինա ուղևորման, ինչպես նաև Ուկրաինային ռազմական աջակցության տրամադրման մասին: