ՀՀ-ում ԱՄՆ դեսպանատունը զգուշացնում է ռուսական ընկերությունների հետ համագործակցության ռիսկերի մասին

«Հայկական ժամանակը» գրում է. «Երեկ երեկոյան Հայաստանում ԱՄՆ դեսպանատունը Հայաստանի կառավարությանը եւ բիզնես կառույցներին տեղեկացրել է պատժամիջոցների ներքո գտնվող ռուսական ընկերությունների հետ համագործակցությունից բխող ռիսկերի մասին,-գրում է «Հայկական ժամանակ» թերթը:

«Մենք կոչ ենք անում բոլոր երկրներին եւ նրանց ռեզիդենտներին հաշվի առնել իրենց բարի համբավի հետ կապված ռիսկերը, որոնք առաջանում են (ռուսական) ընկերությունների եւ ֆիզիկական անձանց հետ համագործակցությունից, եւ դադարեցնել բոլոր գործարքները, որոնք հակասում են մեր եւ մյուսների կողմից իրականացվող պատժամիջոցներին»,- նշված է հաղորդագրության մեջ:

Նշենք, որ պատժամիջոցների տակ հայտնված ընկերություններից Հայաստանում ակտիվ գործունեություն են ծավալում մասնավորապես «Գազպրոմ-բանկը» եւ «ՎՏԲ»-ն: Իսկ «Ռոսնեւֆտը» պատրաստվում էր խոշոր ներդրում անել «Նաիրիտում»,–գրում է թերթը:

Առավել մանրամասն՝ թերթի այսօրվա համարում։