Գերմանիայում դարձյալ ցանկանում են արգելել «գորշ գայլերին»

Գերմանիայում, Ֆրանսիային և Ռուսաստանին հետևելով, ցանկանում են արգելել ծայրահեղ ազգայնական թուրքական «Գորշ գայլեր» կազմակերպությունը:

Կազմակերպությունը գտնվում է Սահմանադրության պաշտպանության դաշնային գրասենյակի վերահսկողության տակ, սակայն դեռ չի արգելվել:

Ըստ Սահմանադրության պաշտպանության գրասենյակի՝ Գերմանիայում «գորշ գայլերի» ամենահին գործընկերը Թուրք դեմոկրատական իդեալիստների ասոցիացիաների ֆեդերացիան է (ADÜTDF), որը ստեղծվել է 1978 թվականին Մայնի Ֆրանկֆուրտում։ Այն ներառում է 170 տեղական կազմակերպություն՝ 7000 անդամներով։ Ըստ BfV-ի՝ ADÜTDF-ը կապեր է պահպանում MHP-ի` «Ազգայնական շարժում» կուսակցության հետ, որը կառավարական կոալիցիա է կազմում նախագահ Էրդողանի «Արդարություն և զարգացում» կուսակցության (AKP) հետ:

Հիշեցնենք, որ դեռ անցյալ տարվանից խոսվում էր «գորշ գայլերին» արգելելու մասին, սակայն մինչ օրս որոշում չի կայացվել: