Թուրքիան Ս-400-ները տեղակայել է Ինջիրլիքի ավիաբազայի տարածքում. Sky News Arabia

Թուրքիան ռուսական Ս-400 մարտկոցներ է տեղակայել Ինջիրլիքի ավիաբազայում, որից օգտվում են նաև ԱՄՆ ռազմաօդային ուժերը և ՆԱՏՕ-ի երկրները. հայտնում է Sky News Arabia-ն՝ հղում անելով Պենտագոնի ներկայացուցչին։

Ավելի վաղ թուրքական լրատվամիջոցներն արդեն ենթադրում էին, որ մարտկոցները կարող են տեղադրվել Ինջիրլիքում՝ որպես փոխզիջումային տարբերակ, որ և՛ Վաշինգտոնը, և՛ Անկարան կարողանան հարթել տարաձայնությունները։ Այդպես Ս-400-ները մշտապես կգտնվեին ԱՄՆ-ի ուշադրության տակ:

«Daily Sabah»-ին տված հարցազրույցում թուրք զինվորականները հերքել են այն պնդումները, թե Ս-400-ները տեղակայվել են Ինջիրլիքի ռազմաբազայում: