ՀՅԴ ՀԳՄ-ն ցավակցագիր է հղել ՀՕՄ-ի Հայաստանի ՇՎ ատենապետուհի Մ. Համբարձումյանի մահվան կապակցությամբ

ՀՅԴ Հայաստանի Գերագույն մարմինը ցավով տեղեկացավ Հայ Օգնության Միության (ՀՕՄ) Հայաստանի Շրջանային վարչության ատենապետուհի Մարինե Համբարձումյանի անժամանակ մահվան մասին:

Մարինե Համբարձումյանը մեծ ավանդ ունի վերանկախացած Հայաստանի Հանրապետությունում ՀՕՄ-ի վերահաստատման, կայացման և բարեսիրական անթիվ ծրագրերի իրականացման գործում: 1990-ական թվականներից ընկերուհի Մարինե Համբարձումյանը տարբեր ժամանակահատվածներում եղել է ՀՕՄ-ի Հայաստանի Շրջանային վարչության անդամ։ 2019 թվականին ընտրվել էր ՀՕՄ-ի Հայաստանի Շրջանային վարչության ատենապետուհի։

ՀՕՄ-ի անխոնջ մշակ, կամավորական և բարեսիրական աշխատանքների մեծ նվիրյալ Մարինե Համբարձումյանի մահվան կապակցությամբ մեր ցավակցությունն ու զորակցությունն ենք հայտնում սիրելի ընկերուհու ընտանիքին, հարազատներին, ընկերներին, ինչպես նաև ՀՕՄ-ի մեծ ընտանիքին:

ՀՅԴ Հայաստանի Գերագույն մարմին

09.10.2021 թ.

Տեղեկացնում ենք, որ ՀՕՄ-ի Հայաստանի Շրջանային վարչության ատենապետուհի Մարինե Համբարձումյանի հոգեհանգստյան արարողությունը տեղի կունենա հոկտեմբերի 10-ին, ժամը 18։00-ից՝ «Սան Լազարո» սգո սրահում (Շահումյանի գերեզմանատան ճանապարհին)։ Հուղարկավորությունը՝  հոկտեմբերի 11-ին, ժամը 13։00-ին՝ նույն վայրից։