ԱՄՆ-ը դիվանագետների միջոցով խնդրել է Չինաստանին՝ կրճատել իրանական նավթի գնումները

Միացյալ Նահանգները դիվանագիտական ուղիներով Չինաստանին առաջարկել է քննարկել Պեկինի՝ իրանական նավթի գնումները կրճատելու հնարավորությունը: Այս մասին հայտնում է Reuters-ը՝ հղում անելով ԱՄՆ-ի և Եվրամիության պաշտոնյաների:

ԱՄՆ բարձրաստիճան պաշտոնյան ասել է, որ Վաշինգտոնը տեղյակ է Իրանից չինական նավթի գնումների մասին: Այս առումով ԱՄՆ-ը կիրառել է և շարունակելու է կիրառել պատժամիջոցներ:

Միևնույն ժամանակ, այս թեման շոշափվել է ՉԺՀ-ի հետ դիվանագիտական շփումների ընթացքում՝ Իրանի նկատմամբ քաղաքականության վերաբերյալ երկխոսության շրջանակներում: ԱՄՆ-ում կարծում են, որ սա ավելի արդյունավետ միջոց է մտահոգությունները լուծելու համար։

Գործակալությունը նշում է, որ Միացյալ Նահանգները Չինաստանի միջոցով փորձում է  Թեհրանին համոզել վերադառնալ Գործողությունների համատեղ համապարփակ ծրագրի վերաբերյալ հետագա բանակցություններին:

ԵՄ աղբյուրը հավելել է, որ իրանական նավթի հարցը քննարկվել է ԱՄՆ պետքարտուղարի տեղակալ Վենդի Շերմանի՝ Չինաստան կատարած հուլիսյան այցի ժամանակ:

Ավելի վաղ The Wall Street Journal-ը հայտնել էր Չինաստան իրանական նավթի մատակարարումների նկատմամբ ԱՄՆ-ի պատժամիջոցների հնարավոր ավելացման մասին: Դա կարող է տեղի ունենալ, եթե միջուկային գործարքի շուրջ բանակցությունները տապալվեն: Միևնույն ժամանակ, Սպիտակ տունը վախենում է պատժամիջոցների խստացումից Իրանի արձագանքից, հետևաբար, դիտարկում է այլ միջոցներ, այդ թվում` Չինաստանի, Հնդկաստանի և իրանական նավթի այլ գնորդներին համոզել նվազեցնել գնումները: