Գերմանիայում կայացած ընտրություններում հաղթում են սոցիալ-դեմոկրատները

Գերմանիայի դաշնային ընտրական հանձնաժողովի հրապարակած պաշտոնական նախնական արդյունքների համաձայն՝ Գերմանիայի սոցիալ-դեմոկրատական կուսակցությունը (SPD) հաղթել է Բունդեսթագի ընտրություններում՝ ստանալով ձայների 25,7%-ը:

Գործող կանցլեր Անգելա Մերկելի Քրիստոնեա–դեմոկրատական կուսակցության և Քրիստոնեա–սոցիալակական կուսակցության՝ CDU/CSU դաշինքը ստացել է ձայների 24.1% -ը: Կանաչները հավաքել են ձայների 14,8%-ը, Գերմանիայի ազատ դեմոկրատական կուսակցությունը (FDP)՝ 11,5%, իսկ «Այլընտրանք Գերմանիայի համար»՝ 10,3%:  Ձախերը հավաքել են ձայների 4,9% -ը՝ չհաղթահարելով 5%-ի շեմը:

Կիրակի Գերմանիայում տեղի ունեցան խորհրդարանական ընտրություններ: Անգելա Մերկելը չի մասնակցել այս ընտրություններին և կթողնի կանցլերի պաշտոնը 16 տարվա իշխանությունից հետո: