Ս-400-ի հետ աշխատանքը մեզ համար ավարտված է, ԱՄՆ-ը պետք է դա հասկանա. Էրդողան

Թուրքիան չի պատրաստվում հրաժարվել ռուսական Ս-400 զենիթահրթիռային համակարգերի գնումից ու կիրառումից՝ չնայած ԱՄՆ-ի ճնշմանը: Ըստ Sabah թերթի՝ Թուրքիայի նախագահ Ռեջեփ Թայիփ Էրդողանը նման մեկնաբանություն է տվել թուրք լրագրողներին Նյու Յորքից վերադառնալիս:

Էրդողանի խոսքով՝ ինքը չի կարող ասել, որ «թուրք-ամերիկյան հարաբերություններն անցնում են առողջ փուլ»: «Լսեք, մենք գնել ենք ամերիկյան F -35 (հինգերորդ սերնդի կործանիչներ), բայց դրանք մեզ չեն հանձնվել: Ամերիկան պետք է առաջին հերթին զբաղվի դրանով, այլ ոչ թե քննադատի Ս-400-ը»,- ասել է Թուրքիայի ղեկավարը` խոստանալով գործել միջազգային իրավունքի շրջանակներում:

«Ս-400-ի հետ աշխատանքը մեզ համար ավարտված է, մենք չենք նահանջի: ԱՄՆ-ը պետք է հասկանա սա»,- եզրափակել է նա: