Ազնավուրի հրապարակում բողոքի ակցիայի մասնակցին բերման ենթարկեցին

Այս պահին Երևանի Շառլ Ազնավուրի հրապարակում են հավաքվել բազմաթիվ քաղաքացիներ, որոնք բողոքի ակցիա են նախատեսել՝ ընդդեմ սեպտեմբերի 21-ին Նիկոլ Փաշինյանի ազդարարած «գունագեղ» տոնակատարության։

Ակցիայի մասնակիցները նախատեսում են քայլերթով գնալ դեպի կառավարության շենք, սակայն, ինչպես հայտնեց բողոքի գործողության նախաձեռնողներից պրոդյուսեր Արմեն Գրիգորյանը, ոստիկանությունը զգուշացրել է, որ քայլերթը թույլ չի տալու։

«Ոստիկանությունն ասաց, որ թույլ չի տա։ Մենք էլ ասացինք, որ գնալու ենք։ Տեսնենք՝ ինչ կլինի։ Ասացինք ՝ ինչի հիման վրա թույլ չեք տալիս, ասացին՝ ըստ օրենքի։ Թե ըստ որ օրենքի, պարզ չէ։ Նորմալ է թուրքաբարո իշխանության համար», - ասաց նա։

Րոպեներ անց կարմիրբերետավորները մեկ քաղաքացու տարան դեպի ոստիկանական մեքենան։

Ըստ տեղեկությունների՝ քաղաքացուն բերման են ենթարկել, երբ նա ոստիկանության ծառայողից հարցրել է՝ Փաշինյանը հա՞յ է, թե՞ թուրք։