Դավաճանին ծառայող ոստիկանությունը ակցիայի մասնակցին բարձր խոսելու համար բերման ենթարկեց

ՀՅԴ «Նիկոլ Աղբալյան» ուսանողական միությունը ակցիա է իրականացնում կառավարության շենքի առջեւ՝ հերթական անգամ ի ցույց դնելով Նիկոլ Փաշինյանի խոսքի, գործի եւ իրականության անհամապատասխանությունը։

Մինչ ակցիայի մեկնարկը՝ ոստիկանության աշխատակիցները կառավարության առջեւ հավաքված քաղաքացիներին հորդորեցին բարձր չխոսել, չգոռալ, վիրավորական արտահայտություններ չհնչեցնել:

Զարմանալի կլիներ, եթե ոստիկանության աշխատակիցները բավարարվեին միայն հորդորներով: Երբ «Նիկոլ Աղբալյան» ուսանողական միության ատենապետ Տարոն Ղազարյանը բարձրախոսով հիշեցնում էր Նիկոլ Փաշինյանի՝ Շուշիի վերաբերյալ հոկտեմբերի 4-ին Լիտվայում հայ համայնքի ներկայացուցիչների հետ հանդիպման ժամանակ արած ապազգային եւ անպատասխանատու հերթական հայտարարության մասին, ոստիկանությունը նրան ուժի գործադրմամբ բերման ենթարկեց:

Փաստորեն, հայկական պատմական բերդաքաղաքը դավաճանաբար թշնամուն հանձնելուց հետո արգելված է անգամ այդ մասին հիշատակելը:

Մանրամասները դիտեք տեսանյութում։