Սյունիքում ստեղծված իրավիճակի շուրջ «Հայաստան» խմբակցության առաջարկած քննարկումն ԱԺ-ում այսօր էլ չի կայանա

«Մենք առաջարկել էինք, որպեսզի ԱԱԾ-ից, ՊՆ-ից, ԱԳՆ-ից,  դատախազությունից  և ՄԻՊ-ից համապատասխան պաշտոնատար անձինք գան և ներկայացնեն   իրավիճակն ու այդ իրավիճակից դուրս գալու՝ իրենց առաջարկները։ Քանի որ այսօր ԱԺ-ում հարցուպատասխանի օր է, առաջարկել էինք, որ դրանից առաջ հավաքվենք և այդ քննարկումն իրականացնենք, բայց այսօր   տեղեկություն ստացանք, որ նորից համադրման խնդիր կա»,- անդրադառնալով Գորիս-Կապան միջպետական ճանապարհի Որոտանի հատվածում ստեղծված իրավիճակի շուրջ քննարկում կազմակերպելու՝ իրենց առաջարկին և դրան իշխանության տված արձագանքին՝ ասաց ԱԺ «Հայաստան» խմբակցության ղեկավար Սեյրան Օհանյանը լրագրողների հետ զրույցում։

Նա նշեց, որ իշխանություններն առաջարկում են վերջնական համադրում իրականացնել, ապա նոր կազմակերպել քննարկումը։