Օգոստոսի 2-ից Կապանում կմեկնարկի ՀՅԴ երիտասարդական միությունների կազմակերպած պատանեկան ճամբարները

Ընդամենը մի քանի օր առաջ ARF Youth Office-ը հայտարարեց «Դեպի Սյունիք» ծրագրի մեկնարկի մասին։

Եվ արդեն վաղը՝ օգոստոսի 2-ից Կապան քաղաքում կմեկնարկի Ֆրանսիայում՝ FRA Nor Seround - ՀՅԴ Նոր Սերունդ և Շվեդիայում AYF Sweden ՀՅԴ Շուէտի Երիտասարդական Միութիւն գործող ՀՅԴ երիտասարդական միությունների կազմակերպած պատանեկան ճամբարը։

Ճամբարին մասնակցելու են Կապանի 12-16 տարեկան պատանիները։

Հիշեցնենք, որ աշխարհասփյուռ ՀՅԴ երիտասարդական և ուսանողական միությունները  մեկնարկել են «Դեպի Սյունիք» ծրագիրը, որի շրջանակներում նախատեսվում է.

- Ներքաղաքական և միջազգային երիտասարդական հարթակների վրա քաղաքական, արտաքին հարաբերական և քարոզչական աշխատանք,
- Ազգային ոգին ամրապնդելու համար պատանեկան ճամբարների կազմակերպում,
- Սյունիքի երիտասարդության խնդիրների լուծման նվիրված ուսումնասիրությունների պատրաստում եւ խորհրդաժողովի կազմակերպում։
- Սյունիքի մեջ երիտասարդական կենտրոնների ստեղծում,
- Երիտասարդության մասնագիտական կարողությունների և հմտությունների զարգացմանը միտված «Վերելք ծրագիրի» իրագործում։
- Սփյուռքի երիտասարդների հատուկ գործուղումներ: