Անհայտ անձինք սպանել են հարյուր խաղաղ աֆղանցիների

Անհայտ անձինք սպանել են ավելի քան հարյուր խաղաղ բնակչի Աֆղանստանի Քանդահար նահանգի Սպին Բոլդակ շրջանում, երբ այն գրավել են «Թալիբան»-ի գրոհայինները. հաղորդում է աֆղանական Tolo News հեռուստաալիքը՝ վկայակոչելով ՆԳՆ խոսնակին:

Աֆղանստանի կառավարությունն այդ տարածքը վերահսկող «Թալիբան» շարժման վրա է դրել խաղաղ բնակիչների մահվան պատասխանատվությունը:

«Թալիբան»-ը, ըստ հեռուստաալիքի, հերքում է ցանկացած մասնակցություն քաղաքացիական անձանց սպանություններին. հաղորդում է «ՌԻԱ Նովոստին»:

Նշվում է, որ ավելի վաղ Պակիստանի հետ սահմանին գտնվող Սպին Բոլդակի տարածքն արդեն գրավել էին թալիբները, իսկ հետո այն կրկին անցել էր կառավարական զորքերի վերահսկողության տակ: