Իրանի հոգևոր առաջնորդը կոչ է արել մուսուլման երկրներին՝ դիմակայել արևմտյան միջամտությանը

Մուսուլման երկրները պետք է ինքնուրույն կերտեն իրենց ապագան և դիմադրեն իրենց գործերին Արևմուտքի միջամտությանը: Այս կարծիքը հայտնել է Իրանի հոգևոր առաջնորդ այաթոլլա Ալի Խամենեին՝ դիմելով աշխարհի մուսուլմաններին շաբաթ օրը Սաուդյան Արաբիայում իսլամի սուրբ վայրեր սկսված ուխտագնացության  կապակցությամբ.  հայտնում է ՏԱՍՍ-ը։

«Մենք՝ իսլամի հետևորդներս՝ մեծ բնակչությամբ, հսկայական տարածքներով և անթիվ բնական ռեսուրսներով, պետք է կերտենք մեր ապագան մեր միջոցներով և ռեսուրսներով, ինչպես նաև դիմակայենք ագրեսիային, միջամտություններին և չարիքին, որոնք աղբյուրները արևմտյան տերություններն են»,–  ասել է Իրանի հոգևոր առաջնորդը։

Նա նաև հավելել է, որ մուսուլմանական երկրների «հետամնացությունն ու կախվածությունը» նրանց «պասիվության ու անկարողության» արդյունք են: Ըստ Խամենեիի՝ դա պայմանավորված է նրանով, որ վերջին 150 տարվա ընթացքում այս երկրները, հազվադեպ բացառություններով, անկախ որոշումներ չեն կայացրել՝ դառնալով Արևմուտքի «միջամտության ու ագահության» զոհը: