Իրանի նախագահը մուսուլմանական երկրներին կոչ է արել խզել հարաբերություններն Իսրայելի հետ

Մուսուլմանական երկրները պետք է միասնականություն ցուցաբերեն Իսրայելի գործողությունների ֆոնին: Այս մասին Իրանի նախագահ Մասուդ Փեզեշքիանը Mehr լրատվական գործակալությանը հայտարարել է արաբական և իսլամական երկրների ղեկավարների մասնակցությամբ Կատարում կայանալիք գագաթնաժողով մեկնելուց առաջ։

«Եթե մուսուլմանները հանդես գան միասնական ճակատով, ապա սիոնիստական ​​ռեժիմը չի համարձակվի հարձակվել մեր երկրների վրա և խախտել միջազգային իրավունքը», - ասել է նա։

Նախագահի կարծիքով՝ մուսուլմանական երկրները պետք է «գործնական միջոցներ ձեռնարկեն տնտեսական, մշակութային և սոցիալական ոլորտներում Իսրայելի հետ կապերը խզելու համար»։