Դեմ ենք տարածաշրջանում օտարերկրյա միջամտությանը. Կովկասում սահմանների փոփոխությունն անընդունելի է. Իրանի նախագահը՝ Հաջիևին

Նախագահ Մասուդ Փեզեշքիանը ևս մեկ անգամ ընդգծել է Իրանի քաղաքականությունը, որն ուղղված է կովկասյան տարածաշրջանում աշխարհագրական սահմանների ցանկացած փոփոխության և այդ տարածաշրջանում օտարերկրյա տերությունների միջամտությանը հակազդելուն: Այդ մասին Պեզեշքիանը հայտարարել է Ադրբեջանի նախագահի օգնական Հիքմեթ Հաջիևի հետ հանդիպմանը, հաղորդում է իրանական Mehr գործակալությունը։

Նշելով, որ Իրանի և Ադրբեջանի միջև հարաբերությունները եղբայրական են, Փեզեշքիանն ընդգծել է Իրանի Իսլամական Հանրապետության շահագրգռվածությունը տնտեսության, քաղաքականության, մշակույթի, պաշտպանության և անվտանգության տարբեր ոլորտներում երկկողմ հարաբերությունների ամրապնդման հարցում:

Այնուհետև նա ընդգծել է Իրանի քաղաքականությունը, որն ուղղված է կովկասյան տարածաշրջանում աշխարհագրական սահմանների ցանկացած փոփոխության և այդ տարածաշրջանում օտարերկրյա տերությունների միջամտությանը հակազդելուն:

«Տարածաշրջանի սահմանների փոփոխությունն անընդունելի է ցանկացած պարագայում։ Տարածաշրջանից դուրս տերությունների փորձերը պահանջում են տարածաշրջանի երկրների միասնության ամրապնդում և տարաձայնությունների կանխում»,- ընդգծել է Իրանի նախագահը։

«Մենք ցանկանում ենք զարգացնել հարաբերությունները հարևան և իսլամական երկրների հետ, քանի որ կարծում ենք, որ մահմեդականների միջև ցանկացած տարաձայնություն կամ վեճ կհանգեցնի թշնամիների միջամտությանը», -շեշտել է նա։

Պեզեշքիանը հույս է հայտնել նաև Ալիևի Թեհրան այցի կապակցությամբ։