Կրեմլը բացառել է համաշխարհային պատերազմի հավանականությունը

ՌԴ նախագահի մամուլի քարտուղար Դմիտրի Պեսկովի կարծիքով՝ այս պահին համաշխարհային պատերազմն անհնար է, քանի որ միջուկային հավասարակշռությունը չի խախտվել:

«Կարո՞ղ է պատերազմ լինել: Պուտինը հստակ ասաց, որ դա քիչ հավանական է: Եվ այստեղ մենք ապահովագրված ենք միջուկային հավասարակշռությամբ»,- ըստ ՌԻԱ «Նովոստի»-ի՝ ասել է Պեսկովը։

Նրա խոսքով՝ միջուկային հավասարակշռությունը միջազգային հարաբերությունները կայունացնող մեխանիզմ է: Պեսկովը շեշտել է, որ անընդհատ փորձեր են արվում այդ հավասարակշռությունը խախտելու համար, բայց Ռուսաստանը «ձեռնարկել է մի շարք գործողություններ, որոնք ապահովագրում են ամբողջ համակարգը»: Նա նշել է, որ խոսքը զսպող համակարգերի զարգացման մասին է:

«Կարծում եմ, որ պատերազմի մասին ընդհանրապես խոսելու կարիք չկա, քանի որ դա անհնար է»,- եզրափակել է Պեսկովը: