Իրանի դեմ պատերազմի հավանականությունը մեծանում է

Իսրայելի նախագահ Շիմոն Պերեսը հայտարարել է, որ Իրանի դեմ ռազմական գործողություններ սկսելու հավանականությունն ավելի է մեծացել. հաղորդում է Reuters-ը:

Արեւմուտքը Իրանին մեղադրում է միջուկային զենքի արտադրելու փորձերի մեջ:

«Իրանը շուտով միջուկային զենք կստեղծի, եւ քանի դեռ մենք ժամանակ ունենք, պետք է աշխարհի իշխանություններից պահանջել` կատարել իրենց խոստումը, եւ ոչ թե պարզապես պատժամիջոցներ կիրառել:  Պետք է անել անհրաժեշտը, եւ մենք դրա համար շատ տարբերակներ ունենք»,- ասել է Պերեսը:

Հարցին, թե արդյո՞ք այնպիսի իրավիճակ է ստեղծված, որը կարող է հանգեցնել ռազմական գործողությունների, Իսրայելի նախագահը պատասխանել է. «Ես կարծում եմ, որ իրավիճակն հենց այդպիսին է»: