Պատերազմի վերսկսման հավանականությունը նվազել է

«Ոչ ոք չի կարող ասել` պատերազմ կլինի՞, թե՞ ոչ, սակայն, կարծում եմ` պատերազմական գործողությունների ռիսկը նվազել է` նախորդ տարվա համեմատությամբ»,- այսօր լրագրողների հետ հանդիպման ժամանակ ասաց քաղաքագետ, «Նորավանք» հիմնադրամի տնօրեն Գագիկ Հարությունյանը:

Նա կարեւորեց վերջերս հրատարակված «Պետությունների ընդհանրական հզորության վարկանիշ» փաստաթուղթը, ըստ որի` Հայաստանը բավական բարձր տեղ է զբաղեցնում` իր հետեւում թողնելով Ադրբեջանին:

Ինչ վերաբերում է Մադրիդյան սկզբունքներին, ապա Գ. Հարությունյանը համարում է, որ դրանց իմաստավորումը պետք է լինի քայլերի տեսքով, պետք է ինչ-որ մի բան սկսվի:

Մինսկի խմբի գործունեության լավ ու վատ լինելու հետ կապված էլ` Գ. Հարությունյանը մեջբերեց Չերչիլի` «Դեմոկրատիան շատ թերություններ ունի, բայց ավելի լավը դժվար է ստեղծել» խոսքը` չտալով այլ մեկնաբանություններ: