Ադրբեջանը և Թուրքիան համաձայնագիր կստորագրեն Ղարաբաղի վերականգնման մասին. TRT

Ադրբեջանն ու Թուրքիան համաձայնագիր կստորագրեն Ղարաբաղի վերականգնման մասին: Դա տեղի կունենա Թուրքիայի առաջնորդ Ռեջեփ Թայիփ Էրդողանի Շուշի կատարած այցի ընթացքում: Այս տեղեկատվությունը հայտնել է թուրքական պետական TRT հեռուստաալիքը՝ վկայակոչելով Էրդողանի վարչակազմի աղբյուրին:

Էրդողանը Բաքու է ժամանել երեքշաբթի՝ հունիսի 15-ին: Նախ նախատեսում է այցելել Արցախի Վարանդա (Ֆիզուլի) քաղաք: Ապա նախատեսվում է, որ Էրդողանը Շուշիում կհանդիպի Ադրբեջանի նախագահ Իլհամ Ալիևի հետ: Այնտեղ նրանք կստորագրեն «Ղարաբաղի վերականգնման մասին համաձայնագիր»: Փաստաթուղթը կանդրադառնա նաև երկու երկրների տնտեսական համագործակցության և քաղաքական լայն շրջանակների շուրջ նրանց փոխգործակցության այլ ասպեկտների:

Բացի այդ, Թուրքիայի ղեկավարը կարող է մասնակցել Շուշիում դպրոցի հիմքը դնելու արարողությանը: