Պուտինն ասել է, որ «թքած ունի», եթե իրեն ինտերնետում ինչ-որ տեղ արգելափակեն

Ռուսաստանի նախագահ Վլադիմիր Պուտինը հայտարարել է, որ «թքած ունի» սոցիալական ցանցերում Ռուսաստանի պետական կայքերի արգելափակման վրա: Այս մասին ՌԴ ղեկավարն ասել է Սանկտ Պետերբուրգի միջազգային տնտեսական ֆորումի լիագումար նիստում. հաղորդում է РБК-ն:

Պուտինը ելույթում նմանեցրել է Բելառուսի նախագահ Ալեքսանդր Լուկաշենկոյի դեմ բողոքները և ԱՄՆ նախկին նախագահ Դոնալդ Թրամփի կողմնակիցների կողմից Կապիտոլիումի գրավումը:

Ֆորումը վարող Ստանիսլավ Նաթանզոնը նշել է, որ, նման համեմատություն անելով, Ռուսաստանի պետության ղեկավարը «վտանգավոր ուղի է բռնել». Ռուսաստանի Դաշնության նախագահի խոսքերը կարող են մեկնաբանվել որպես աջակցություն Կոնգրեսի շենքի վրա հարձակմանը, ինչն էլ կհանգեցնի Kremlin.ru-ի` սոցիալական ցանցերում արգելափակմանը:

«Նախ` ես անմիջապես ասացի, որ չեմ կարծում, որ դա լավ է. դուք ակնհայտորեն ուշադիր չէիք լսում: Երկրորդ` ես չեմ գնահատում հենց իրադարձությունը, ես խոսում եմ դրան հաջորդածի մասին: Եվ երրորդ՝ ես թքած ունեմ` արդյո՞ք ինչ-որ մեկն ինձ ինչ-որ տեղ կարգելափակի: Ինձ համար ավելի կարևոր է մեկ այլ բան՝ ռուս ժողովրդի վստահությունն այն որակով, որով հիմա է», - ասել է Պուտինը: