Բացահայտումներ ԱԻՆ-ում. հայտնաբերվել են 377 մլն դրամի չափով չարաշահումներ

Yerkir.am-ի տեղեկությունների համաձայն՝ Հայաստանի հաշվեքննիչ պալատի՝ 2020 թվականի պետական բյուջեի հաշվեքննությունների արդյունքում հայտնաբերվել են 801 միլիոն դրամի չափով չարաշահումներ: Դրանց առյուծի բաժինը՝ 781 միլիոն դրամը, կազմում են երեք նախարարություններում հայտնաբերված չարաշահումները:

Օրինակ՝ արտակարգ իրավիճակների նախարարությունում չարաշահումների չափը 377 միլիոն դրամ է եղել, որից 211 միլիոն դրամի չափով ուռճացված է աշխատավարձի ֆոնդը, 38 միլիոն դրամի չափով տրանսպորտային նյութերի ծախսը չի հիմնավորվում, 32 միլիոն դրամի չափով տեխնիկական անվտանգության ՊՈԱԿ-ը տվել է նախահաշվով չնախատեսված դրամի լրավճար-պարգեւավճարներ։

Հիշեցնենք՝ 2018 թվականի հոկտեմբերի 4-ից 2020 թվականի նոյեմբերի 17-ը արտակարգ իրավիճակների նախարարի պաշտոնը ստանձնած Ֆելիքս Ցոլակյանն օրեր առաջ սրտի կաթվածով հոսպիտալացվել էր Երևանի հիվանդանոցներից մեկը, որտեղ կատարվել է սրտի անոթների ստենտավորում: