Հայաստանն ու Ադրբեջանը խնդրել են ՌԴ-ին՝ ևս երկու ամսով երկարաձգել Մուրադովի ծառայությունն Արցախում. Կոց

Իմ տեղեկություններով՝ գեներալ Մուրադովը ևս երկու ամիս կմնա Ղարաբաղում գտնվող ռուս խաղաղապահների հրամանատարության ղեկին. իր թելեգրամյան ալիքում գրում է ռուս ռազմական թղթակից Ալեքսանդր Կոցը:

«Վերջին օրերին Հայաստանը և Ադրբեջանը խնդրել են Ռուսաստանի ղեկավարությանը՝ չփոխել նրան, թեև գործերն ու պաշտոնը հանձնելու գործընթացն արդեն սկսվել է: Անգամ փոխարինողն է արդեն եկել՝ Հարավային ռազմական շրջանի հրամանատարի տեղակալ, գեներալ-լեյտենանտ Ալեքսեյ Ավդեևը:

Այս անհանգիստ օրերին, ըստ ամենայնի, նրանք որոշել են թողնել անվիճելի հեղինակություն ունեցող գեներալին, որն ամբողջովին խորասուզված է իրավիճակի և առանձնահատկությունների մեջ...»,– գրում է Կոցը։