Բայդենի` 1915 թ. վերաբերյալ հայտարարությունը իրավական հետևանքներ չի ունենա. ԱՄՆ պետդեպարտամենտ

1915 թ. իրադարձությունների վերաբերյալ ԱՄՆ նախագահ Ջո Բայդենի վերջին հայտարարությունը, որում նա դրանք որակել է որպես ցեղասպանություն, չի նշանակում, որ  դա կազդի Թուրքիայի «ինքնիշխան անձեռնմխելիության» վրա Միացյալ Նահանգների դատարանների առջև: Այս մասին հայտարարել է ԱՄՆ պետդեպարտամենտի ներկայացուցիչը՝ մեկնաբանելով թուրքական «Անադոլու» գործակալության թղթակցի հարցը, թե իրավական տեսանկյունից ի՞նչ կարող է նշանակել Սպիտակ տան ղեկավարի` ապրիլի 24-ի հայտարարությունը:

«Նախագահի վերջին հայտարարությունը չի նախատեսում, որ այն կազդի Թուրքիայի ինքնիշխան անձեռնմխելիության վրա ԱՄՆ դատարանների առջև, որը կարգավորվում է «Օտար պետությունների անձեռնմխելիության մասին» օրենքով»,- նշել են ԱՄՆ պետդեպարտամենտի ներկայացուցիչը: