Ողբերգություն` Իսրայելում. 44 մարդ է մահացել կրոնական տոնի ժամանակ

Առնվազն 44 մարդ զոհվել է տրիբունայի փլուզման արդյունքում Մերոն լեռան տարածքում անցկացված Լագ բա Օմեր  կրոնական տոնի ընթացքում: Այս մասին ուրբաթ հաղորդել է Jerusalem Post-ը:

Ըստ պարբերականի՝ ավելի քան 100 մարդ վիրավորվել է:

Ավելի վաղ The Times of Israel թերթը հայտնել էր 38 մահվան և ավելի քան 60 վիրավորի մասին:

Մարդիկ, հավանաբար, մահացել կամ վիրավորվել են ամբիոնի փլուզումից հետո տեղի ունեցած հրմշտոցի արդյունքում: Տոնակատարության կազմակերպիչները մինչև հինգշաբթի երեկոյան հաշվել էին միջոցառման ավելի քան 100 հազար մասնակից:

Իսրայելի վարչապետ Բինյամին Նեթանյահուն կատարվածը որակել է «ծանր աղետ»:

Հիշեցնենք, որ տասնյակհազարավոր մարդիկ հավաքվել էին մարզադաշտում՝ հարգելու րաբբի Շիմոն Բար Յոչայի հիշատակը: 2-րդ դարի հրեա իմաստունի դամբարանը հրեաների ամենասուրբ վայրերից է: Միջոցառումը երկրում ամենամեծ իրադարձությունն էր կորոնավիրուսային համաճարակի մեկնարկից ի վեր: