Թուրքիայի կրոնական վարչությունը կոչ է անում արգելել ծխախոտի վաճառքը լոքդաունի ժամանակ

Թուրքիայի բարձրագույն կրոնական մարմնի՝ Diyanet-ի աշխատավորների արհմիության ղեկավարը կոչ է արել արգելել ծխախոտի վաճառքը կառավարության կողմից սահմանված լոքդաունի ընթացքում:

Արգելքը կարող է կիրառվել կառավարության կողմից ծխախոտի սպառումը նվազեցնելու համար. հաղորդում է T24- ը՝ վկայակոչելով Թուրքիայի կրոնական գործերի գրասենյակի հիմնադրամի միության նախագահ Նուրի Յունալին:

«Անհրաժեշտ է սահմանափակումներ մտցնել ծխախոտի վաճառքի վրա և ապահովել, որ դրանք մատչելի չլինեն, օրինակ` ծխախոտը չպետք է վաճառվի խոշոր սուպերմարկետներում: Եկեք անենք դա այս 18 օրվա ընթացքում և դադարեցնենք ծխախոտի սպառումը»,- ասել է նա:

Ունալի կոչը հնչել է մեկ օր անց այն բանից հետո, երբ Թուրքիան հայտարարեց, որ արգելելու է ալկոհոլային խմիչքների վաճառքը հինգշաբթի երեկոյան, երբ երկիրը կգնա լիակատար մեկուսացման՝ հակազդելու  համար կորոնավիրուսի ամենօրյա դեպքերի կտրուկ աճին։

Լոքդաունի ընթացքում թույլատրվում է աշխատեցնել միայն մեծ խանութները, արգելվում է միջքաղաքային ճանապարհորդությունը, իսկ դասասենյակներում ուսուցումը դադարեցվել է:

Ալկոհոլի վաճառք ն արգելելու մասին որոշումը բացասական արձագանք է ունեցել ինտերնետում:

Հավելենք, որ ծխախոտի մոլի հակառակորդ՝ Թուրքիայի նախագահ Ռեջեփ Թայիփ Էրդողանը երկար ժամանակ քարոզչություն է իրականացրել Թուրքիայում ծխելու դեմ, որտեղ օրական ծխախոտ է օգտագործում 14,5 միլիոն մեծահասակ և 252 000 անչափահաս. հայտնում է Tobacco Atlas-ը՝ ծխախոտի տվյալների առաջատար աղբյուրը։