Անկարան հայտարարել է, որ Սիրիայում անցկացվելիք նախագահական ընտրությունները լեգիտիմ չեն

Սիրիայում նախագահական ընտրությունները, որոնք նշանակված են 2021 թվականի մայիսի 26-ին, միջազգային հանրության կողմից չեն կարող համարվել օրինական: Այս կարծիքը ուրբաթ հայտարարել է Թուրքիայի արտգործնախարարության պաշտոնական ներկայացուցիչ Թանջու Բիլգիչը:

«Սիրիայի ռեժիմի (նախագահ Բաշար ալ Ասադի) կողմից 2021 թվականի մայիսի 26-ին հայտարարված նախագահական ընտրություններն անհամատեղելի են ՄԱԿ-ի Անվտանգության խորհրդի 2254-ի կողմից ներկայացված ճանապարհային քարտեզի չափանիշների հետ: Ընտրությունները, որոնք  7 մլն սիրիացու զրկել են ընտրելու իրավունքից,  ազատ և արդար չեն կարող համարվել օրինական միջազգային հանրության կողմից», - ասել է Բիլգիչը:

Նրա խոսքով՝ «Թուրքիան կշարունակի աջակցել սիրիական հակամարտության քաղաքական լուծում գտնելու ջանքերին՝ ՄԱԿ-ի Անվտանգության խորհրդի 2254 բանաձևի հիման վրա»: