Լեհաստանի նախագահական ընտրությունները մայիսի 10-ին չեն կայանա

Լեհաստանի «Օրենք և արդարություն» իշխող կուսակցության առաջնորդ Յարոսլավ Կաչինսկին հայտարարություն է տարածել առ այն, որ Լեհաստանի նախագահական ընտրությունները մայիսի 10-ին չեն կայանա. այս մասին հայտնում է ՏԱՍՍ-ը՝ Լեհական մամուլի գործակալության տարածած հայտարարությանը հղումով. հայտնում է Yerkir.am-ը։

ՏԱՍՍ-ի տեղեկացմամբ՝ ըստ Կաչինսկու եւ նրա կոալիցիոն գործընկեր՝ «Համաձայնություն» քաղաքական միավորման առաջնորդ Յարոսլավ Գովինի ծրագրի՝ մայիսի 10-ից հետո երկրի Գերագույն դատարանը ընտրությունները չկայացած կհայտարարի:

«Սեյմի խոսնակը կհայտարարի նոր նախագահական ընտրությունների մասին առաջին հնարավոր ժամկետում»,- ասված է տեքստում:

Ավելի վաղ Լեհաստանի խորհրդարանի վերին պալատի խոսնակ Տոմաշ Գրոդսկին երկրի իշխանություններին կոչ էր արել նախագահական ընտրությունները տեղափոխել COVID-19 կորոնավիրուսային համավարակի պատճառով:

Հիշեցնենք, որ ավելի վաղ երկրի Սենատը մերժել էր այն օրինագիծը, ըստ որի՝ Լեհաստանում նախագահական ընտրությունները փոստային եղանակով պետք է անցկացվեին։