Ուկրաինան ՌԴ Պետդումայի ընտրությունները ոչ լեգիտիմ է ճանաչել

Ուկրաինայի Գերագույն ռադան բանաձև է ընդունել, որով 2021 թվականին Ռուսաստանի Պետդումայի ընտրությունները ճանաչել է ոչ լեգիտիմ: Բանաձևին աջակցել է 322 պատգամավոր:

«Ուկրաինայի Գերագույն ռադան 2021 թվականին ՌԴ Պետդումայի պատգամավորների հերթական ընտրությունները ճանաչում է անօրինական, իսկ դրա արդյունքում ձևավորված Ռուսաստանի Դաշնության Պետդուման՝ ոչ լեգիտիմ»,- ասվում է փաստաթղթում:

Ռադան նաև կոչ է արել այլ երկրների խորհրդարաններին՝ դատապարտել Ռուսաստանում ընտրությունների կեղծումը, ինչպես նաև Ղրիմի տարածքում անօրինական քվեարկության փաստերն ու այս ընտրություններին Դոնբասից ուկրաինացիների մասնակցությունը: