Եվրամիությունը կքննարկի ռուս դիվանագետների կոլեկտիվ արտաքսման հարցը

Եվրամիությունը (ԵՄ) կքննարկի միության տարածքում աշխատող ռուս դիվանագետների հավաքական արտաքսման հարցը: Այս մասին հայտնում է «Իզվեստիա» թերթը՝ հղում կատարելով Լիտվայի արտաքին գործերի նախարարության  աղբյուրներին:

Նշվում է, որ նույնիսկ մինչ Ռուսաստանի դիվանագիտական առաքելության 18 աշխատակիցների արտաքսումը Չեխիայի արտգործնախարարությունը սպառնացել էր, ըստ թերթի, ստանալ Հյուսիսատլանտյան դաշինքի գործընկերների աջակցությունը: Ապրիլի 22-ի առավոտյան տեղի ունեցավ ՆԱՏՕ-ի նիստը: Չնայած այն հանգամանքին, որ երկրները համերաշխություն են հայտնել Չեխիային, դիվանագետների հնարավոր արտաքսման մասին չի հաղորդվել:

Եվրահանձնաժողովի պաշտոնական ներկայացուցիչ Պիտեր Ստանոն հայտարարել է, որ Ռուսաստանն է, որ լարվածություն է ստեղծում միության հետ հարաբերություններում: