Ռուսաստանի և Ադրբեջանի զինված ուժերը քննարկում են Շուշիում «Իսկանդեր»-ի բեկորների հարցը. Կրեմլ

Ռուսաստանի և Ադրբեջանի զինված ուժերի սերտ երկխոսության ընթացքում քննարկվում է Լեռնային Ղարաբաղում «Իսկանդեր-Մ»-ի հրթիռի բեկորների հայտնաբերման վերաբերյալ Բաքվի տեղեկության հետ կապված թեման: Այս մասին երեքշաբթի լրագրողներին հայտնել է ՌԴ նախագահի մամուլի քարտուղար Դմիտրի Պեսկովը. հաղորդում է ՏԱՍՍ-ը:

«Ռազմական շրջանակում սերտ երկխոսություն է տարվում, որի ընթացքում քննարկվում են բոլոր համապատասխան հարցերը»,- պատասխանել է Կրեմլի խոսնակը հարցին, թե արդյո՞ք «Իսկանդեր»-ի բեկորների հայտնաբերման թեման բարձրացվել է Ռուսաստանի և Ադրբեջանի նախագահներ Վլադիմիր Պուտինի և Իլհամ Ալիևի միջև կայացած հեռախոսազրույցում:

Նշենք, որ այսօր Ալիևը հայտարարել էր, որ Պուտինի հետ հեռախոսազրույցի ընթացքում քննարկել է Շուշիում իբր հայտնաբերված «Իսկանդեր–Մ»–ի բեկորների թեման։