ԱՄՆ-ի 27 կազմակերպություն հորդորում է Բայդենին` երկխոսություն սկսել Ռուսաստանի հետ

ԱՄՆ-ում 27 կազմակերպություն նախագահ Ջո Բայդենին կոչ է արել դադարեցնել «անխոհեմ հռետորաբանությունը» Ռուսաստանի դեմ և կառուցողական, երկկողմ բանակցություններ սկսել Վլադիմիր Պուտինի հետ. հաղորդում է The Hill- ը:

«Որպես ազգային կազմակերպություններ, որոնք հանդես են գալիս դիվանագիտության, զենքի վերահսկման, զինաթափման և խաղաղության օգտին, խորապես անհանգստացած ենք աշխարհի միջուկային մարտագլխիկների 90 տոկոսից ավելիին տիրապետող երկու երկրների միջև վերջին բացասական փոխանակումներից»,- ասվում է կազմակերպությունների հայտարարության մեջ:

Նրանք հորդորել են Բայդենին` դադարեցնել «անխոհեմ քննարկումներին» մասնակցելը և Ռուսաստանի հետ բանակցությունները շարունակել միջուկային զենքի վերաբերյալ, քանի որ միջուկային մրցավազքի վտանգն «ավելի ակնհայտ է, քան երբևէ»:

Բացի այդ` հայտարարության հեղինակները ամերիկյան առաջնորդին հիշեցրել են դիվանագիտությունը արտաքին քաղաքականության կենտրոնում դնելու խոստումը:

Ստորագրող կազմակերպությունների ամբողջական ցուցակը չի տրամադրվում, բայց պարբերականը հայտնում է, որ դրանց թվում են «Արդարության դեմոկրատներ», «Կապույտ Ամերիկա», «Պահանջվող առաջընթաց», «Մեր հեղափոխություն» և «ԱՄՆ–ի առաջադեմ ժողովրդավարներ» խմբերը:

Հիշեցնենք, որ ռուս–ամերիկյան դիվանագիտական վերջին սրացումը տեղի է ունեցել շաբաթներ առաջ, երբ ԱՄՆ ղեկավարը Պուտինին անվանել էր «մարդասպան»։