Թուրքիան պատրաստ է իր դեսպանին ուղարկել Թել Ավիվ, բայց՝ մեկ պայմանով

Թուրքիան պատրաստ է իր դեսպանին ուղարկել Թել Ավիվ, եթե պաշտոնական Երուսաղեմը գնա նմանատիպ քայլի ու իր դիվանագիտական ներկայացուցչին ուղարկի Անկարա: Այս մասին հայտնում է Israel Hayom թերթը՝ վկայակոչելով թուրք պաշտոնյայի հայտարարությունը:

Իսրայելի արտաքին գործերի նախարարությունը դեռ չի մեկնաբանել համապատասխան տեղեկատվությունը:

Հիշեցնենք, որ Թուրքիայի և Իսրայելի միջև հարաբերությունները սկսել են վատթարանալ 2010 թ.–ից՝ կապված «Մավի Մարմարա» նավի միջադեպի հետ, երբ Իսրայելի ծովային սահմաններին մոտեցած թուրքական նավը գնդակոծվել էր իսրայելցի զինվորների կողմից՝ տասնյակ զոհերի և վիրավորների պատճառ դառնալով. դրանից հետո երկու երկրների դիվանագիտական հարաբերությունները փչացան, իսկ դեսպանները հետ կանչվեցին։

2013 թ. Իսրայելի վարչապետ Բինյամին Նեթանյահուն զանգահարել էր Էրդողանին և ներողություն խնդրել միջադեպի համար։ 2016 թ. երկու երկրները համաձայնության եկան 6-ամյա դիվանագիտական դադարը վերացնելու վերաբերյալ։

Սակայն 2018 թ. մայիսին ԱՄՆ նախագահ Դոնալդ Թրամփի կողմից Երուսաղեմը Իսրայելի մայրաքաղաք ճանաչելուց հետո երկու երկրները դարձյալ խզեցին հարաբերությունները։