ՏԵՍԱՆՅՈՒԹ․ Մեծամորում հատուկ սառնարանում զոհերի դիեր են պահվում՝ հաստատեց նախարարը

Ճի՞շտ է, որ Մեծամորում գտնվող Սպայկայի սառնարանում դեռ պահվում են զոհերի մարմիններ՝ հարցին, ՀՀ առողջապահության նախարար Անահիտ Ավանեսյանը պատասխանեց, որ Մեծամորում պահվում են դիակներ, բայց դա Սպայկայի սառնարանը չէ՝ հայտնում է Yerkir.am-ը։

«Այո, Մեծամորում մենք ունենք դիահերձարան, դիակները պահպանվում են այնտեղ: Դրանք հատուկ սառնարաններ են՝ նախատեսված նման դեպքերի համար: Այո, այնտեղ պահպանվում են»,-ասաց Անահիտ Ավանեսյանը:

Նախարարը չգիտի, թե կոնկրետ Մեծամորում քանի դի կա, բայց ասաց, որ ԴՆԹ-ի հետ կապված սարքերի խնդիր չի եղել:

«Մենք արդեն չունենք փորձանմուշներ, որոնք չեն փորձաքննվել։ Բայց կան մարմիններ, որոնք շատ վնասված են և դրանց փորձաքննությունն անցկացնելը բավականին բարդ գործընթաց է։ Մասունքների փոքր թիվ կունենանք, որոնցից չեն կարողանա ԴՆԹ վերցնել: Կան մասունքներ, որոնք այնքան վնասված են, որ անգամ այլ երկրներում չի հաջողվի փորձաքննել։ Այդ փորձանմուշները մոտ 210-ն են»,-ասաց նա։

Նախարարը դժվարացավ ասել՝ ի՞նչ է լինելու այդ մասունքների ճակատագիրը։

Մանրամասն՝ տեսանյութում․